Вершы і казкі для дзяцей

Вершы для дзяцей

Ласяня

Вашая адзнака Нет Сярэдняя: 5 (2 галасоў)

Захварэла ласяня.
З лесу збеглася радня:
Тата, мама, бабка, дзед.
Брат, сястрычка і сусед.

Плача, енчыць ласяня:
— Мне не вытрываць да дня:

Паліць, торгае, скубе,
За вушамі і на лбе,
З боку ў бок мяне вядзе,
Галава, як звон, гудзе,
Жар абсыпаў галаву.
Не, да дня не дажыву.

Плача мама, плача татка,
Што загіне ласянятка,
Плачуць брат, сястра, сусед,
Але ўсіх суцешыў дзед:
— Пацярпі, дзіцятка, трошкі
Бо прарэзваюцца рожкі.

Іншыя вершы аўтара