Вершы і казкі для дзяцей

Вершы для дзяцей

Паляўнічы

Вашая адзнака Нет Сярэдняя: 4 (1 голас)

Сёння ў Міхалкі
Настрой ваяўнічы:
Сёння Міхалка
Як ёсць паляўнічы!

Стрэльбу з карчажкі
Закінуў за плечы,
Якую зрабіў
Яшчэ ўчора на печы.

А каля ганка
Цэлую жменю
Насыпаў патронаў сабе
У кішэню.

Ну, а патроны —
Усе баявыя:
Каменьчыкі,
Костачкі з вішань сырыя...

Куды ж ён спяшае,
Падмазаўшы пяткі?
А побач — бярэзнічак,
Там — курапаткі...

Як птушак убачыў,
Красе іх здзівіўся —
Адразу пра стрэльбу сваю
I забыўся.

Іншыя вершы аўтара