Вершы і казкі для дзяцей

Вершы для дзяцей

Коцік

Вашая адзнака Нет Сярэдняя: 4.7 (3 галасоў)

Хлопчык любіць коціка,
Лашчыць ён варкоціка, —
Коцік міл яму.
З ім на двор гуляць ідзе,
Часта малачка дае
Сябру ён свайму.
Ходзіць коцік беленькі,
Хвосцік яго шэранькі,
А бяжыць — стралой.
К хлопцу прытуляецца,
Спінкай выгінаецца,
Хвост яго — дугой.
Поўсць яго пушыстая,
Беленькая, чыстая,
Мяккая, як лён.
Мышкі, сцеражыцеся!
Ціха!.. беражыцеся!
Ўміг вас зловіць ён.

Іншыя вершы аўтара