Вершы і казкі для дзяцей

Вершы для дзяцей

Мак таўкуць камары

Няма галасоў

На гары,
На гары
Мак таўкуць
Камары.

Гэй, старайся ж,
Талака, —
Будзе з маку
Мука!

Камарыкі
Мак таўкуць —
З той мукі
Бліны спякуць.

I смаўжоў
На мосце
Пазавуць
У госці.

Будуць есці
Смаўжы —
Вельмі важныя
Мужы,

Камарам
Паклоны біць,
Хорам іх бліны
Хваліць:

— Ну й бліны,
Ну й бліны!
Лезуць самі
Ў рот яны!

Вось якія
Камары —
Блінапёкі-
Майстры.

Можа й з вас
Кагосьці
Пазавуць
У госці.

Пакаштуеш
Бліна з маку —
Праглынеш язык
Ад смаку!